2018 елда пенсия баллының бәясе үсәчәк

Эшләмәүче гражданнарның пенсияләрен киләсе елга 1 февральдән 3,8 процентка индексацияләргә уйлыйлар. Пенсия баллының бәясе 78,58дән 81,57 сумга кадәр үсәчәк. Бу хакта Россия Пенсия фондының 2018 һәм план буенча 2019-2020 елларга төп бюджет параметрларында язылган.

Пенсия фондына 8,4 триллион керем булыр дип көтелә. Шул ук вакытта мәҗбүри пенсия иминияте кереме 6,8 триллион була. Аның 4,7 триллионын - иминият взнослары, тагын 2,1 триллионын федераль бюджет тупларга тиеш. 2019 һәм 2020 елларда пенсияләрне дүрт процентка индексацияләргә ниятлиләр.