Чехиядә коронавирусның яңа «омикрон» штаммы белән зарарлану очрагы ачыкланган

 Чехиядә коронавирусның яңа «омикрон» штаммы белән зарарлану очрагы расланган.

Бу хакта Чехия радиосына сылтама белән «Российская Газета» хәбәр итә.

Инфекция Либерецта яшәүче хатын-кызда табылган. Ул Намибиядә булган, аннан Көньяк Африка Республикасы һәм Берләшкән Гарәп Әмирлекләре аша өенә кайткан.

«ТАСС» агентлыгы хәбәр иткәнчә, хатын-кыз коронавирустан вакцина ясаткан булган, авыру җиңел формада уза. Ул һәм аның белән Чехиягә кайткан сигез кеше хәзерге вакытта изоляциядә.

https://tatar-inform.tatar

фото: https://pixabay.com/ru