Ленингорскилылар, СЕЗ ИНТЕРНЕТКА БӘЙЛЕ ТҮГЕЛМЕ?
Интернет-бәйлелеккә өч төрле төркем дучар була икән. Беренчесе — компьютер уеннары белән мавыгучылар, икенчесе — интернет аша азартлы уеннар уйнаучылар, өченчесе — аралашу сайтларында утыручылар.
Психологлар әйтүенчә, бәйлелеккә күбрәк балалар, үсмерләр, үзенә түбән бәя бирүчеләр, кыюсыз, юаш, йомшак холыклы, үз эченә бикләнгән кешеләр дучар була. Интернет-бәйлелек эчкечелек, наркомания кебек җитди авырулар рәтендә санала.
Белгечләр әйтүенчә, интернет-бәйлелекнең билгеләре түбәндәгеләр: һәрвакыт онлайн булу теләге; интернетка тоташа алмаганда ачу чыгу, тынгысызлану; виртуаль дөньядан чынбарлыкка кайтасы килмәү; игътибарсызлык; интернетта утырып, шәхси гигиена таләпләрен дә үтәмәү; ашауны оныту, искә төшкәч кенә капкалап кую; реаль тормышта кешеләр белән аралашудан баш тарту, интернет аша язышуны хуп күрү; акчаны интернетка чыгу чараларына (компьютер, телефон һ.б.) тотарга әзер булу; интернет аркасында якыннар белән конфликтка керү.
https://vk.com/irekmaydani
фото:pixabay.com
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев