Лениногорск студентлары өчен туристик слет узды 

Бу хакта Яшьләр эшләре, спорт һәм туризм идарәсе хәбәр итә.

Слетны да әлеге идарә уздырды. Студентлар урман паркындагы “Храбрая белка” бау паркында төрле сынаулар узды. Алар мылтыктан атып карады, бау паркында трассаны үтте, экология, туризм буенча белемнәрен сынап карады.

Сынаулар узгач, алар итле карабодай боткасыннан авыз итте, кайнар чәй эчтеләр. 

Нәтиҗәдә, “Туристик слет-2019” исеменә КНИТУ-КАИ Лениногорск филиалы лаек булды. Икенчедә – Лениногорск музыка-сәнгать педагогия колледжы, өченче урында – Лениногорск нефть техникумы

Фото: Яшьләр эшләре, спорт һәм туризм идарәсе