Лениногорскида шикәр бәясе чамасыз арткан

Лениногорскида шикәр комы - бәя иң күп арткан азык-төлек исемлегендә.

---

Бүген кибетләрдә аның килограмы 48 дән 70 сумгача тора, элек 35-38 сумга сатып ала идек. Татарстан прокуратурасы монополиягә каршы көрәш идарәсе белән берлектә республиканың шикәр җитештерүче берничә берләшмә эшчәнлеген тикшерә башлаган, дип хәбәр итә «Интертат" агентлыгы. Тикшерүчеләр игътибарын Буа, Зәй, Нурлат шикәр заводлары җәлеп иткән. Сәбәбе - кибет киштәләрендә алар җитештергән шикәр комына бәяләрнең чамадан тыш артуы. Чамасыз бәя арттырган кибет хуҗалары инде монополиягә каршы көрәш идарәсе тарафыннан кисәтү алган.