Лениногорскида яшәүче тыл хезмәтчәннәрен юбилейлары белән котладылар (ФОТОлар)

Юбилярларны шәһәр башлыгы урынбасары Гөлфирә Рафикова, 7нче, 12 нче ТОС рәисе урынбасарлары өенә барып тәбрик иттеләр. Аларга  туган көннәре уңаеннан ил башлыгы котлау хатлары, чәчәкләр, бүләкләр тапшырдылар.
– Онытмаганыгыз өчен  рәхмәт, бик зурлагансыз,  – диделәр тыл хезмәтчәннәре. Дулкынлануларын яшермиләр, яшьлек, хезмәт юлларын да искә алдылар
– Безнең чор балаларының язмышлары да бер төрле булды бит. Сигез-тугыз яшьтән колхозда эшләдек, авырлыкларны күп күрдек, - диделәр.
90 яшьлек юбилей көнендә аларга балалары, оныклары – барысы да изге теләкләрен юлладылар, исән-имин булып,аларны сөендереп яшәүләрен теләделәр. 

Зилә Мөдәррисова

автор фотолары