Лениногорскилылар республика ифтарына барды (фотолар)

Казан шәһәрендә узган V республика ифтарына бездән 10 кеше барды. Алар арасында имам мөхтәсибе Исмаил Сөнгатуллин, Абдерәзәк хәзрәт Гимранов та бар иде.

Казанның теннис академиясендә 10 меңгә якын кеше җыелды. Әлеге хәйрия чарасы Татарстанда 2013 елдан даими рәвештә үткәрелә һәм анда республика дин әһелләре, җәмәгать эшлеклеләре, Россиянең төрле төбәкләрдән килгән кунаклар, физик мөмкинлекләре чикле кешеләр, ятимнәр катнаша. Быелгы ифтар ашы өчен махсус 1,3 тонна ит, 600 килограмм дөге, 3 тонна яшелчә, 3 тонна җиләк-җимеш, 400 килограмм кәнфит һәм 1 тонна колбаса киткән.