Пенсионерларга капиталь ремонт өчен түләгән акчалары кайтарыла

Татарстанга 70 яшьтән өстән булган эшләмәүче пенсионерларга күпфатирлы торак йортларга капиталь ремонт өчен күчергән взносларына компенсация өчен 29 миллион 19 мең сум акча бүлеп бирелгән.

РФ Премьер-министрының бу хактагы боерыгы чыккан. Субсидия берүзләре яки эшләмәүче пенсионерлар белән бергә яшәүче торак милекчесенә бүленә. 70 яшь тулган кешеләргә ул 50, ә 80 не тутырганнарга 100 процент күләмендә кайтарыла. Субъектлар арасында барлыгы 3,76 миллиард сум бүленгән. Әлеге акчалар федераль бюджетта быелга каралган булган.