Собянин Мәскәүдә давылда һәлак булган 13 яшьлек кыз турында сөйләгән

(Казан, 22 апрель, «Татар-информ»). Собянин Мәскәүдәге давылда 13 яшьлек кызның һәлак булуы турында сөйләде, дип яза “Известия”.

Чиновник үзенең “Твиттер” битендә әлеге табигать бәла-казасы вакытында көчле җил аркасында зыян күрүчеләрнең саны 12гә җитүен хәбәр итә. Авыр хәлдә хастаханәгә китерелгән кызны табиблар коткарып кала алмаган.

Кичә көндез давыл вакытында көчле явым-төшемнәр булган. Урыны белән бозлы кар да яуган. Начар һава торышының иң көчәйгән вакыты узган төнгә туры килгән.

Собянин йөзләрчә агачның ауганлыгын яза. Давылның икенче дулкыны Яңа Мәскәү аша уза. 50 ләп трансформатор электр токсыз кала.

http://tatar-inform.tatar/news/2018/04/22/162549/

Фото:https://pixabay.com