Татарстанда яңа ел чыршыларының бәясе 30 процентка арткан
Россиядә җитештерелгән ясалма чыршының уртача бәясе 3300 сум булган.
Узган ел белән чагыштырганда 2021 елда чыршыларның бәясе 30 процентка арткан.
Бәяләр арту чималга һәм логистикага, шулай ук валюта курслары динамикасына бәйле. Бу хакта сәүдә челтәрләре вәкилләренә һәм ретейлерларга сылтама белән РБК хәбәр итә.
«Максидом» ретейлеры хуҗасы Мария Евневич сүзләренчә, ясалма чыршыларның уртача бәясе 15 процентка арткан. Чыршылар җитештерүчегә карап 5 проценттан алып 30 процентка кадәр кыйммәтләнгән.
Логистика бәясе арту сәбәпле, табигый чыршылар да кыйммәтләнгән. Бер елда аларның уртача бәясе 10-15 процентка артты, — диде «Елки.ру» компаниясе директоры Владислав Пухарев.
Россиядә җитештерелгән ясалма чыршының уртача бәясе Wildberries интернет-платформасында бер елда 12 процентка арткан һәм 3300 сум булган. Чит илдә җитештерелгән чыршыларның бәясе 14 процентка кыйммәтләнгән һәм уртача 1600 сум тәшкил итә.
Фото: pixabay.com
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев