Татарстан һәм Башкортстанның атказанган артисты, Башкортстанның халык артисты Элвин Грей колакларына зыян килүне бик авыр кичерүе турында сөйләгән.
Бу хакта “KazanFirst” яза.
Исегезгә төшерәбез: концерттагы бик көчле тавыш аркасында артистның ике колагы да начаррак ишетә башлаган, колакларында даими чыңлау барлыкка килгән.
– Беренче елында бик авыр булды: куркуга сабыштым, стресска бирештем, үз-үземә бикләндем. Башта кешеләрнең әйткәненә төшенә алмыйча азапландым, барысы да пышылдап-шышылдап сөйләшә кебек тоелды. Әмма вакытлар узу белән баш мие җайлашты. Элегрәк сәхнәдә алдымдагы дүрт монитор белән генә эшли идем. Хәзер исә ян-якка тагын икене һәм колакчыннар өстәдем, чөнки тавыш җитми. Әмма мин студиягә, сәхнәгә кире кайттым, гастрольләрне, музыка белән шөгыльләнүне дәвам итәм, – дип уртаклашкан артист.
Үзе әйтүенчә, колакларына зыян килсә дә, җырсыз-моңсыз яши алмый.
Чыганак: https://vatantat.ru
фото: Татар-информ
Нет комментариев