Татарстанда куркыныч юл фаҗигасендә биш кешенең гомере өзелде
Юлда фура һәм микроавтобус бәрелешкән.
9 май көнне иртән Татарстанның Чистай районында куркыныч юл-транспорт һәлакәте теркәлгән. Авариядә биш кеше һәлак булды.
«Татар-информ» мәгълүмат агентлыгы хәбәр иткәнчә, юл-транспорт һәлакәте Чистай Выселкасы авылы янында иртәнге биштә булган. Юлда фура һәм микроавтобус бәрелешә.
MAN фурасының шоферы үзе сөйләвенчә, ул зажигалкага сузылган арада юлдан игътибары читкә юнәлә. Шул вакытта йөк машинасы каршыга чыга һәм микроавтобуска бәрелә. Көчле бәрелүдән автобус кюветка төшеп килә.
Микроавтобуста 9 кеше була. Биш кеше урында ук һәлак була. Калган дүртесе хастаханәгә озатылган.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев