Районнан киткән хаҗилар ихрам киемен киделәр

Бу кием хаҗ сәфәренә чыккан һәркем өчен киелергә тиешле чисталык вә ихласлыкны белгертә торган махсус япма. Хатын кызларга ул гади күлмәк булса, ир-атларга тастымалга охшаган ике тукыма кисәге. Аны кигән кеше гөнаһлардан гына түгел, хәттә вак җитешсезлекләрдән дә сакланырга тиеш була. Ислам диненең иң олугъ саваплы гамәлләренең бишенчесе әнә шул рәвешле башлана. Насыйп булса, озакламый хаҗиләребез Мәккә шәһәренә җитәчәкләр. Имин йөрсеннәр!