Ылыслы урман эчендә саф һавада ял итүне туган як табигатен өйрәнү белән бергә алып бару — көзге каникуллар вакытында вакытны үткәрү өчен менә дигән мөмкинлек булды.
Лениногорскиның «Ландыш» лагерына Татарстан районнарыннан ял итәргә килгән 7-9 нчы сыйныф укучылары Глазов урманында ( «Дала» заказнигы территориясендә) булдылар. Бу — А.И. Щеповских исемендәге «Дала» дәүләт табигый тыюлыгы хезмәткәрләренең һәм «Зирәк кочевник» туристик клубының уртак проекты.
Тыюлык хезмәткәрләре балаларга туган як флорасы һәм фаунасы, табигатькә әхлакый мөнәсәбәт кагыйдәләре турында сөйләделәр, ә туристик клуб белгечләре яшүсмерләргә Глазовоның бакыр штольнялары серләрен ачтылар. 3,5 сәгатьлек экскурсия сизелмичә дә үтеп китте, Иң мөһиме — балалар биология, экология, туган якны өйрәнү, тарих буенча белем багажларын тулыландырдылар һәм табигатьтән алган энергия белән кайттылар.
Нет комментариев