Сары помидорны утыртмый калмагыз
Сары помидорны бакчачылар аеруча яратып үстерә. Аның кызыл төстәге помидорга караганда файдалырак булуын күпләр белмидер әле. Алар ачы түгел, шуңа да ашказаны авыруы һәм аллергия булган кешеләр дә аны рәхәтләнеп ашый ала.
Сары төстәге помидорда А провитамины күп, ул организмда А витаминына әверелә. Шулай ук кан йөрешен яхшыртучы фолий кислотасы да күп.
Иң мөһиме, сары помидор яман шешкә каршы көрәшүче ретинолга бик бай. Аның күзгә дә, чәч һәм тырнакка да файдасы тия.
Мондый помидорның составындагы В витамины тире һәм нерв системасы өчен файдалы.
Сары төстәге томатлар итләч һәм бик тәмле була, алар фитофторозга да бирешеп бармый. Теплицага утырту өчен “Гигант лимонный”, “Желтое сердце”, “Желтый гигант”, “Доктор Лето F1”, “Илья Муромец”, “Крем Торт”, “Золотой король”, “Золотой шар” кебек сортлар яхшы була.
https://kiziltan.ru/articles/poleznoe/2022-04-15/sary-pomidorny-utyrtmyy-kalmagyz-2770691
https://pixabay.com/ru/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев