Лениногорскилылар, Пенсия фонды хәбәр итә

Быелның 1 гыйнварыннан картлык буенча иминият пенсиясе хокукына ия булу өчен 8 ел стаж һәм 11,4 пенсия баллары кирәк булачак.

Әлеге яңалык закондагы үзгәрешләргә бәйле: пенсияне санаганда ул ел саен этаплап артачак. Мисал өчен, 2024 елда пенсиягә чыгучылар өчен 28,2 балл һәм 15 елдан ким булмаган эш стажы таләп ителәчәк. 2025 елда ул инде 30 балл булачак.

Шуңа да якын елларда пенсиягә чыгарга җыенучыларга үзегезнең эшләп тапкан хокукыгыз тиешле таләпләргә туры килүен күзәтеп барырга киңәш итәбез. Бу авыр түгел, моның өчен электрон хезмәт күрсәтү порталында (www.gosuslugi.ru) теркәлеп, шәхси кабинет кына ачарга кирәк. Шулай ук Россия Пенсия фонды сайтында да (www.pfrf.ru) әлеге мәгълүматны ала аласыз.