ТАВЫКЛАРГА МИЛӘШ ФАЙДАЛЫ
Тавык җәен үзенә кирәген чемченеп йөрергә өйрәнгән, кышын аңа витамин җитми.
Алларына агач көле һәм күмер куегыз. Тавыклар көлдә коенып, паразитлардан котыла. Күмер кисәкләрен чүпләп, организмнарын токсин-шлаклардан чистарталар.
Тавыкка балан, гөлҗимеш, кызыл һәм кара миләш тә файдалы. Бу җимешләр витаминнарга бай, алар кошларның иммунитетын ныгыта, ашкайнату эшчәнлеген яхшырта, эчәк авыруларыннан саклый, йомырка салуын арттыра. Кызыл миләштә каротин кишердән күбрәк.
Туңдырылган җиләкләрне кошларга аз-азлап эретеп бирегез. Киптерелгәнен азыгына кушарга була.
"ИРЕК МӘЙДАНЫ" газетасы
http://baltaci.ru/news/t%D3%A9rlese/tavyklarga-milsh-faydaly
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев