Түбән Чыршылы авылында йорт яннарын бизиләр

Дания апа һәм Рамил абыйлар гаиләсе йорт янында сокландыргыч матурлык тудырганнар. Койма буенда кардан фигуралар тора. Йортның тышыкы ягында җем-җем итеп гирляндалар яна, төрле утлар балкый.

Дания апа әйтүенчә, ел саен шулай Яңа елны бизәп каршы алалар.
-    Кардан фигураларны икенче тапкыр ясарга туры килде. Яңгырлы кар явып кар бабайларны бозды, яңадан ясап куярга туры килде. Яктырткычларны, утларны тормыш иптәшем куйды, - ди Дания апа.

Менә шундый уңганнар, матурлык яратучы бу гаилә.

Башка авылларда бизиләрме? Фотолар салыгыз безгә.