Түләмәгән штраф өчен лениногорскилы административ җаваплылыкка тартылган

Моннан беркадәр вакыт элек шикаять белдерүчене  ЮХИДИ хезмәткәрләре тизлекне арттырган өчен штрафка тарткан булган. Әмма ул штрафны вакытында түләмәгән һәм моның өчен административ җаваплылыкка тартылган. Тик җәмәгать судьясы карары белән килешмичә, карарның  күчермәсен алмавын, штраф салу турындагы мәгълүматларны судтан алуга- штрафны  түләвен күрсәтеп, Лениногорск шәһәр судына  шикаять белән мөрәҗәгать иткән.

ЮХИДИ хаты хокук бозучының яшәү адресы буенча почта бүлегенә юлланган, ул хатны почтадан барып алырга тиеш булган, почта бүлегеннән аңа хат турында хәбәр иткәннәр.  Хат артыннан килүче булмагач, саклау срогы чыгу сәбәпле ул җибәрүчегә кире  әйләнеп кайткан.

 Суд ,шикаять бирүченең дәлилләре элек кабул ителгән карарны үзгәртерлек көчкә ия булмавын, штрафның билгеләнгән вакыттан соң түләнүе дә моны үзгәртерлек хокукый көч булмавына басым ясады.

Җәмәгать судьясының карары үзгәрешсез калдырырылды,  җавапка тартылучының шикаяте - канәгатьләндерелмәде.