500 сум төрткән өчен 25 мең сум түләргә?!

Агымдагы елның июль аенда автомобильдә баручы Илдус Шәкуровны ДПС хезмәткәрләре документларын тикшерү өчен туктата.
Баксаң, аның ОСАГО полисы юк икән. Инспектор административ хокук бозу турында беркетмә төзи башлый. Шәкуров беркетмә төземәсен өчен инспекторга 500 сум ришвәт төртә. Әмма полицейский аннан баш тарта. Шулай итеп эш судка барып җитә.
Шәкуров үз гаебен тулысынча таныган. Суд аны дәүләт файдасына 25 мең сум түләргә тиеш дигән карар чыгарган. Бу хәл Яр Чаллыда була. Әмма башка шәһәрләрдә яшәүчеләр өчен дә сабак булыр дип ышанабыз.