Заман сулышы

Таһир Шәмсуаровтан өр-яңа шигырь

Күңел күтәренке бүген, Нәрсәдә икән хикмәт Ураза гаете бүген Иман китмәгән димәк. Яше-карты болыты белән Мәчетләргә агыла Кояш бүген иртә торган Шуңа күзләр чагыла... Сәдакалар өләшенгән, Таратылган хәерләр Тыелганыннан тыелып Узсын иде гомерләр. Һәрбер өйдә коймак пешкән, Чакыра хәләл табын. Бу бәйрәмдә табу мөмкин Җаннарның тыныч чагын. Диннең бар һәм...

Күңел күтәренке бүген,
Нәрсәдә икән хикмәт
Ураза гаете бүген
Иман китмәгән димәк.
Яше-карты болыты белән
Мәчетләргә агыла
Кояш бүген иртә торган
Шуңа күзләр чагыла...
Сәдакалар өләшенгән,
Таратылган хәерләр
Тыелганыннан тыелып
Узсын иде гомерләр.
Һәрбер өйдә коймак пешкән,
Чакыра хәләл табын.
Бу бәйрәмдә табу мөмкин
Җаннарның тыныч чагын.
Диннең бар һәм бер икәнен
Барыбызга аңлар чак.
Биш фарызны үтәгәнгә
Яктылык ачылачак!
Якыннарга якынайсак
Юлыбыз булыр туры
Кара төндә юл күрсәтә
Илаһи Ислам нуры.
Шөкер дияргә онытмыйк,
Өстәлдә күмәч-икмәк.
Гает намазы укыйбыз
Иман китмәгән димәк.
Т.Шәмсуаров

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: