Заман сулышы

Коронавирусны әрем белән дәвалап буламы?

SARS-CoV-2 вирусын әремдәге матдәләр бетерә дигән хәбәр таралган иде.

 

COVID-19 авыруын дәвалауда әремнең файдасы бик тә шикле, дип белдерә Мәскәү дәүләт университетының биология факультетының вирусология кафедрасы профессоры Алексей Аграновский. Бу турыда РИА Новости хәбәр итә.

Моңа кадәр Scientific Reports журналы немец галимнәренең фикеренчә, әремдәге артемизинин матдәсе SARS-CoV-2 вирусын үтерә, дип язган иде.

Аграновский сүзләренчә, коронавирус үпкәләрне бетерә, ашказанын түгел. Шуңа күрә әрем монда ничек йогынты ясый ала дигән сорау туа.

«Әрем яхшы тәэсир итәдер дә бәлки, ләкин ничек итеп? Даруны тиешле урынга илтеп җиткерү мәсьәләсе дә мөһим бит әле», — ди ул.

Реклама

Белгеч фикеренчә, коронавирустан котылуның бердәнбер ысулы — вакцинация.

Медицина фәннәре докторы Сергей Токарев та әремнең файдасында шикләнә. Аның сүзләренчә, әремнең нәтиҗәлелеге лабораториядә генә исбатланган, клиник тикшеренү кирәк әле, ди ул.

«Әремдәге матдәләр кеше өчен куркыныч та булырга мөмкин, аларның начар йогынтысы да булуы ихтимал. Шуңа күрә нәтиҗә ясарга иртәрәк әле. Кешеләр имбирь белән сарымсак алырга тотынган кебек, әрем эзли башламасын», — ди ул.

Чыганак: https://intertat.tatar/news/questions_answers/23-07-2021/koronavirusny-rem-bel-n-d-valap-bulamy-5831041

http://atnya-rt.ru

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: