Лениногорскилыларның әсәрләре кергән яңа китап дөнья күрде (фотолар)

Кичә "Иске Әлмәт" Мәдәният йортында "Татнефть" җәмгыяте "Рухият" фонды чыгарган китапларны тәкъдим итте. Кичәдә лениногорскиның каләм тибрәтүчеләре дә катнашты.

" Туган яктан илһам алып... Вдохновленные краем родным..." исемле җыентыкка нефть төбәгендә яшәп иҗат итүче ике йөзләп һәвәскәр каләм иясенең шигырь һәм хикәяләре тупланган. Китапта унике лениногорскилының әсәрләре урын алган. Алар арасында: Әгъләс Шәйхетдинов, Наил Гыйләҗев, Рәсим Хәбибуллин, Халидә Бегҗанова, Наил Сәйдәшев, Рамил Габитов һәм башкалар бар. Китапның мөхәррирләре якташ язучыбыз Рәмзия Габделхакова һәм Наил Ишмөхәммәтов.

Зилә Мөдәррисова