Лениногорскида Хәтер һәм кайгы көне үтте (+фотолар)

Шәһәр һәм район башлыгы Рәгать Хөсәенов митингка килгән халыкны сәламләде һәм бу көннең безнең ил һәм халык өчен ни дәрәҗәдә мөһим булуын әйтте.

Бөек Ватан сугышында катнашкан әби-бабаларыбызны һәм аларның батырлыкларын мәңге онытмаска өндәде. Аларның исемнәрен мәңгеләштерер өчен район һәм авылларда мемориаль такталар, памятниклар куелган. Без аларны һәрвакыт карыйк һәм онытмыйк, - диде район башлыгы.

Бөек Ватан сугышында һәлак булганнар хөрмәтенә 1 минутлык тынлык игълан ителде. Митинг Мәңгелек утка чәчәк бәйләмнәре кую белән тәмамланды. 

Алсу Миңнебаева фотолары