16 апрельдә Таиландтан кайткан татарстанлыларны туганнарыннан каршы алмауларын сорадылар
Рейс пассажирлары шунда ук обсерваториягә яки хастаханәгә җибәреләчәк.
Туганнары 16 апрельдә Таиландтан Татарстанга кайткан пассажирлар белән очраша алмыйлар. Кайтучылар аэропорттан обсерваториягә, Covid-19 билгеләре булган очракта йогышлы авырулар хастаханәсенә юл тотачак. Бу хакта коронавирус инфекциясе таралуга каршы көрәш буенча республика штабы җитәкчесе – Татарстан Республикасы Премьер-министры урынбасары Ләйлә Фазлыева сөйләде.
"Якыннарын каршы алу өчен Казан аэропортына бер генә туганы да килергә тиеш түгел. Барлык килүчеләр обсерваториягә җибәреләчәк", – дип ассызыклады Фазлыева.
Обсерваториядә аларга ике урынлы номерларда туклану һәм яшәү тәэмин ителәчәк. Беренче чиратта кирәкле барлык товарларны алар акчасына сатып алып, китереп бирәчәкләр. Туганнарына турыдан-туры түгел, ә профсоюз җитәкчесе аша шалтырата алалар.
Таиландтан 16 апрельгә билгеләнгән рейс Татарстанга 100 дән артык кешене китерергә тиеш.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев