Баш авыртса, сөлге ал

Баш авыртса, дару эчәргә ашыкмагыз. Гади генә массаж ярдәм итә ала.

• Бик калын булмаган сөлге алырга кирәк. Моның өчен тастымал яхшы булыр. Аны жгут сыман итеп бөтерергә.

• Сөлгене баш артына куярга. Ике кул белән тотып сөлгене муен, баш һәм җилкәдә йөртергә. Бу эшне ашыкмыйча башкарырга кирәк. Җиңелчә авыртудан котылу өчен 3-5 минутлык массаж җитә. Авырту бетмәсә, 10 минут ял итәргә һәм массажны кабатларга мөмкин. Бөтнек кушылган чәй эчегез, ул кан тамырларын киңәйтә.

Мануаль терапевтлар баш авыртуның иң еш таралган сәбәбе дип спазмнарны атый. Сөлгеле массаж муен, баш зонасын ял иттерә, спазмнан коткара.

("Ирек мәйданы" газетасыннан алынды).