Елмаеп алыгыз

Өйләнү

- Әти, мин өйләнәм!

- Башта гафу үтен!

- Ник?!..

- Гафу үтен!

- Ник мин тик торганда гафу үтенергә тиеш?

- Әйткәнне тыңла!

- Минем сиңа нинди начарлыгым тиде?..

- Гафу үтен!

- Сәбәбен әйт...

- Башта гафу үтен!

- Яхшы... Әти, мине гафу ит!

- Молодец, сынауны уздың. Бер сәбәпсезгә дә гафу үтенергә өйрәндең. Инде өйләнә аласың.

*** *** ***

- Кадерлем, бүген шундый төш күрдем: имеш, син миңа бриллиант йөзек бүләк иткәнсең икән!

- Җимешем, әгәр үзеңне әйбәт тотсаң, икенче төшеңдә "Мерседес" бүләк итәчәкмен!

*** *** ***

Кризис вакытында ничек яшәргә:

1. Шәхси автомобильдән җәмәгать транспортына күчеп утырыгыз.

2. Төшке ашны кафеда түгел, өйдән банкага тутырып алып килеп ашагыз.

3. Азык-төлекне акция буенча алыгыз.

4. "Распродажа"дан киенегез.

Сорау: әгәр мин кризиска кадәр дә шулай яшәгәнмен икән, хәзер нишләргә?