Казан беренче урынга күтәрелде

Үзәк банк чыгарачак 200 һәм 2000 сумлык яңа банкнот символлары өчен тавыш бирүдә Казан кабат беренче урынга күтәрелде.

Соңгы мәгълүматлар буенча, Татарстан башкаласына 268 599 кеше тавыш бирергә өлгергән. Икенче урында 267 470 тавыш белән Сочи шәһәре бара. Ерак Көнчыгыш өченче баскычтагы урынын ныгытты - 265 760 тавыш. Севастополь (263 171) - дүртенче урында.

Исегезгә төшерәбез: яңа банкнотларда урын алырга мөмкин булган символларны сайлау максатында Твоя-Россия.рф сайтында алып барыла торган тавыш бирү 7 октябрьгә кадәр дәвам итә.