Лениногорск мәчетендә яшерен тикшерү үткәрелергә мөмкин

Татарстан мәчетләрендә, алдан хәбәр итмичә, тикшерүләр үткәреләчәк.

Бу хакта "Хозур" Нәшрият йорты медиахолдингы структурасына керүче "Азан" интернет-радиосы эфирында ясаган чыгышында республика мөселманнары Диния нәзарәте рәисенең беренче урынбасары Рөстәм хәзрәт Батров әйткән.

"Бездә мәчетләр күп һәм шуңа да мөселманнарга юнәлеш бирергә кирәк. Яшерен күзәтүче мәчетләрнең чисталыгын һәм пөхтәлеген, шулай ук имамнар вәгазьләренең ни дәрәҗәдә актуаль, кызыклы һәм аңлаешлы булуына бәяләргә тиеш", - дигән хәзрәт.

Эфир кунагы беренче ревизиянең бүген үк булачагын әйтсә дә, кайсы мәчеттә икәнен сер итеп калдырган.

http://tat.tatar-inform.ru