Лениногорскига шагыйрә Клара Булатова килде (ФОТОЛАР)

Очрашуда “Чишмә” әдәби берләшмәсе вәкилләре дә катнашты.
Очрашу җылы эчтәлектә узды. Укучылар шагыйрәне якыннан күрүләре өчен шат иде. Алар Клара апаның шигырьләрен сөйләде. “Айсылу” театры шагыйрә әсәрләренә нигезләнеп язылган пьесаларны сәхнәләштерде.

Укучылар Клара апага үзләрен кызыксындырган сорауларын бирделәр, ә ул рәхәтләнеп җавап бирде, сөйләде.

Клара Булатованың шигырьләре традицион татар шигыре калыбында иҗат ителгән, анда тормышта кайгы-хәсрәтен дә, сөенеч-шатлыкларын да күп күргән хатын-кыз шәхесенең хис-тойгылары, мәхәббәт кичерешләре, гомер турында, туган җир, заман, кеше язмышы, мәңгелек турында фәлсәфи уйланулары, сагыш-әрнүләре  чагылыш таба. 

Кичә бер мизгелдә узды да китте. Соңыннан очрашуны истәлеккә калдырырга дип, фотога төштеләр.

Очрашуда Розалия Мостафина булды
Автор фотолары