Лениногорскилылар, нәрсә ашаганыгызны беләсезме?

Бүген Русия кибетләрендә сатыла торган сөт ризыгының дүрттән бере сыйфатсыз икән.

Россельхознадзорның лаборатор тикшеренүләре аларның составында үсемлек майлары, бигрәк тә пальма мае күп дип тапкан. Монда сүз нигездә чагыштырмача арзанлы бәядә сатылучы эремчек-каймаклар, сыер мае турында бара. Ни кызганыч, бәяләренә кызыгып, бүгенге кризис чорында халык нәкъ менә шуларны ала. Кайбер экспертлар пальма маеның сәламәтлек өчен бернинди дә зыяны юк дисәләр дә, диетологлар мондый ризыкларда калория күп һәм ул симерүгә китерә дип кисәтәләр.