Лениногорскилыларга хезмәт күрсәтүче районара салым инспекциясе Бөгелмәдән Әлмәткә күчә
Федераль салым хезмәтенең республика идарәсе булачак үзгәрешләргә кагылышлы мәгълүматны халыкка җиткерә. Лениногорскида яшәүчеләргә дә хезмәт күрсәтүче, Бөгелмәдәге салым хезмәтенең районара инспекциясендә үзгәрешләр булачак.
Әлеге үзгәрешләр Татарстан буенча салым хезмәте структурасын оптимальләштерү максатыннан башкарыла. Агымдагы елның 19 нчы сентябреннән, Бөгелмәдәге 17 нче районара салым хезмәте инспекциясе, Әлмәт шәһәрендәге 16 нчы Федераль салым хезмәтенә кушылып, берләштереләчәкләр.. 2022 нче елның 19 нчы сентябереннән башлап Бөгелмә, Лениногорск, Азнакай, Баулы, Ютазы районнарында яшәүчеләргә Федераль салым хезмәтенең 16 нчы районара инспекциясе хезмәт күрсәтәчәк. Ул Әлмәт шәһәрендә, Сөләймәнова урамы 1нче “а” йортына урнашкан. Бөгелмә шәһәрендә инспекциянең өстәмә офисы оештырылачак, ул салым органнарына дәүләт хезмәтләрен күрсәтәчәк.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев