Гөлнара Тимерҗанова өченче тапкыр кияүгә чыга?
Татарстанның атказанган артисты Гөлнара Тимерҗанова “Мин кияүгә чыгам” дигән җыр яздырган. Җырчы яңа җырына клип та төшереп өлгергән. “Утсыз төтен булмый”, ди. Ни өчен мондый җыр җырлавын Гөлнараның үзеннән сорадык.
- Гөлнара, ни өчен нәкъ менә шушы темага җырларга булдың?
- Тапталмаган тема бит. Туй турында җырлар күп, ә кияүгә чыгу турында җырлар бик сирәк.
- Өченче тапкыр кияүгә чыкмыйсыңдыр бит?
- Бу җыр юкка гына язылмады, билгеле. Чыгачакмын! Ләкин бу юлы шәхси тормышымны сер итеп калдырачакмын.
“Мин кияүгә чыгам” җырының авторлары – Роза Мостафиева белән Рәсим Рахматуллин.
Клип июль аенда чыгар дип көтелә.
Эльвира ШАКИРОВА
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев