Айдар Сәлимгәрәев «Татмедиа» коллективын 19 яшьлек туган көне белән котлады

«Компаниянең балигълык яшенә җитүе безнең өчен ышанычлы үсеш һәм мөһим һөнәри казанышлар чоры булды. Сез цифрлы трансформация юнәлешендә актив рәвештә алга бардыгыз: социаль челтәрләрдә һәм мессенджерларда булуыгызны киңәйттегез, контентның яңа форматларын һәм дистрибуция каналларын үзләштердегез, цифрлы мохиттә редакцияләрнең позицияләрен ныгыттыгыз. Заманча кораллар журналистларга һәм редакцияләргә ярдәмгә килде, шул ук вакытта сезнең төп казанышларыгыз — профессиональлегегез, дөреслегегез һәм эшкә тугрылыгыгыз үзгәрешсез калды», – дип билгеләп үтте Сәлимгәрәев.

Ул Яңа медиа фестивале, «Яңа исемнәр» фестивале, Вертикаль видео фестивале, «VK Fest»та татар сәхнәсен оештыру һәм башка проектлар кебек әһәмиятле иҗади һәм бәйге чараларының югары дәрәҗәдә уздырылуын билгеләп үтте.

«Бу вакыйгалар тәҗрибә уртаклашу, талантларны ачу һәм һөнәргә яңа авторларны җәлеп итү өчен якты мәйданчык булды һәм Татмедианың республика медиаберләшмәсен җәлеп итү үзәге статусын ассызыклады. Цифрлы юнәлешләрне үстереп, компаниянең вакыт белән сыналган традицион форматларга — газета, журналларга, аналитик журналистикага, Татарстан матбугаты традицияләренә таянуын дәвам итүе бик кыйммәтле», - дип өстәде «Татмедиа» җитәкчесе.

Ул коллективка киләчәктә һөнәри уңышлар, яңа проектлар һәм җиңүләр, иҗади илһам һәм энергия теләде.

• Исегезгә төшерәбез, 2007 елның 1 октябрендә Татарстан Президенты Минтимер Шәймиев указы белән «Татмедиа» АҖ оештырылды.