Шул ук вакытта дивидендлар республика бюджетына 845,36 миллион сум китергән.
Агымдагы 2026 елның 1 гыйнварыннан 1 ноябренә кадәр Татарстан бюджетына дәүләт мөлкәтен һәм җир кишәрлекләрен файдаланудан һәм сатудан салымнан тыш керемнәр рәвешендә 1 миллиард 490,73 миллион сум акча кергән. Бу хакта ТР Җир һәм мөлкәт мөнәсәбәтләре министрлыгының матбугат хезмәте хәбәр итә.
Шулай итеп, мөлкәтне арендага бирүдән керемнәр 246,32 миллион сум тәшкил иткән. Дәүләт унитар предприятиеләренең чиста табышы өлешенә 40,00 миллион сум туры килгән, җирне арендага бирүгә — 118,46 миллион сум, сервитутка — 38,56 миллион сум, ышанычлы идарәгә — 78,95 миллион сум.
Шул ук вакытта дивидендлар республика бюджетына 845,36 миллион сум китергән. Мөлкәтне сатудан керемнәр 71,86 миллион сум, җир кишәрлекләрен сатудан — 50,78 миллион сум, ә башка керемнәр — 0,45 миллион сум тәшкил иткән.
«Дәүләт мөлкәтен һәм җир кишәрлекләрен файдаланудан һәм сатудан тотрыклы керемнәр — министрлыкның активлар белән нәтиҗәле идарә итү буенча системалы эшчәнлеге нәтиҗәсе», — дип белдерделәр ведомствода.
татар-информ
Нет комментариев