Лениногорск пенсионерларына эш тәкъдим иттеләр
Халыкара өлкәннәр декадасы уңаеннан, шәһәрнең мәшгульлек үзәгендә пенсия яшендәгеләр өчен эш тәкъдим итү ярминкәсе узды.
Алар өчен кондитер, урам себерүче, лифтчы, санитар, тәрбияче кебек белгечлекләр - 50 дән артык вакансия тәкъдим ителде. 17 оешма-предприятие әзерләгән эш урыныннан 23 пенсионер үзенә эшкә юллама тапты. Ярминкәгә барлыгы 44 кеше килгән иде.
