Балалар өчен чыгарыла торган шампан шәрабе зыянлы

Балалар өчен чыгарыла торган шампан шәрабе хәмерсез булса да, кайберәүләргә ул чын мәгънәсендә агу кебек тәэсир итәргә мөмкин. Терапевт, медицина фәннәре кандидаты Андрей Кондрахин Санкт-Петербург телеканалы хәбәрчесенә шулай дип белдергән.

Аның әйтүенчә, калориясе, углекислотасы күп булган эчемлек бу. Ә боларның ашказаны авыруларына – гастрит, җәрәхәткә китерүе бар. Моннан тыш углеводларның күплеге кислота һәм канда шикәр микъдарын арттыра. Ә шикәр чиреннән интегүчеләр өчен гомумән дә агу ул, дип билгеләп үткән табиб.
Моннан тыш балалар шампан шәрабы эчәкләргә дә зыянлы. Шуңа күрә Кондрахин аны күп дигәндә бер стакан эчәргә киңәш иткән.

https://vatantat.ru/2022/12/99923/

https://photo.tatar-inform.ru/