Фоат Галимуллин: Гаяз Исхакый мәкаләләренең рус теленә тәрҗемә ителүе бик әһәмиятле
КФУ профессоры, әдәбият галиме Фоат Галимуллин Гаяз Исхакыйның мәкаләләре рус теленә тәрҗемә ителүе бик әһәмиятле дип саный. Ул бу турыда Татарстан Республикасы Фәннәр академиясендә язучы, җәмәгать эшлеклесе Гаяз Исхакыйның шәхси көндәлекләрен тәкъдим итү чарасында әйтте.
«Гаяз Исхакыйның мәкаләләре рус теленә тәрҗемә ителүе бик әһәмиятле. Әле без, татарлар, аның иҗаты белән ныклап таныш, дип әйтеп булмый. Әле безгә бу өлкәдә эшләргә дә эшләргә. Ләкин аның фикерләрен, карашларын рус телле укучыларга да җиткерү кирәк. Чөнки, кызганычка каршы, үзебезнең татарларның да күбесе туган телебездә укый белми. Ә алар Гаяз Исхакыйның кем булуы, аның иҗаты, рус телендәге әсәрләре белән кызыксына», – диде ул.
«Әлеге дәфтәрләрнең кыйммәте чиксез. Ул бу турыда үзенең васыятьнамәләрендә дә искә ала. Көндәлекләрне ул 1919 елдан 1953нче елга кадәр алып барган. Бүгенге көндә көндәлекләр 41 дәфтәрдән тора. Гаяз Исхакый әлеге көндәлекләрне иң кадерле әйбере буларак саклап, һәрвакыт үзе белән йөртеп, аларны күз карасыдай саклаган. Ул аларның кайчан да булса туган иленә кайтачагына һәм үзенең милли көрәш өлкәсендәге тарихы турында халкына барып ирешүенә өметләнгән», – диде ул.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев