Йорт подваллары яңа стандарт буенча саклану урыны итеп җиһазландырылачак
Россиядә беренче тапкыр подвалларны гражданнар оборонасы объектларына үзгәртү буенча ГОСТ расладылар.
2024 елда йортларның подвалларын яңа стандарт буенча «бомбалардан саклану урыны» ясау өчен яңадан җиһазландырачаклар. Бу хакта «Парламентская газета» хәбәр итә.
Билгеләп үтелгәнчә, яңа илкүләм стандарт 2024 елның 1 мартыннан эшли башлаячак - ул җир астында урнашкан биналарда (подвал, җир асты паркинглары, метрополитен һ.б.) гражданнар оборонасы сыену урыннары әзерләү мәсьәләләрен регламентлаштырачак.
Илкүләм стандарт проекты нигезендә, мондый объектлар - ул идән тамгасы җир өслеге тамгасыннан түбәнрәк булган биналар.
Думаның Иминлек һәм коррупциягә каршы көрәш комитеты рәисе урынбасары Эрнест Вәлиев сүзләренчә, яңа илкүләм стандарт кабул ителү белән сыену урыннарын төзекләндерү өчен яраклы булган биналарның глобаль инспекциясе булырга тиеш, һәм кирәк булганда - аларны ремонтлау һәм яңадан җиһазлау.
фото: Татар-информ
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев