Лениногорск Бөтенроссия вакансияләр ярминкәсе акциясенә кушыла, эшкә урнашу ярминкәсе узачак

Бөтенроссия вакансияләр ярминкәсенең региональ (төбәк) этабы 14 һәм 15 апрельдә Татарстанның барлык шәһәрләрендә, шул исәптән Лениногорскида да узачак.

Чара Лениногорск Мәшгульлек үзәге бинасында (Гагарин урамы, 51нче йорт) 9.00 сәгатьтән 11.00 сәгатькә кадәр узачак. Ике көн эчендә Лениногорск муниципаль районының унике предприятиесе катнашыр дип көтелә.

Теләге булган һәркем актуаль вакансияләр белән таныша, хезмәт хакы турында белә алачак, шулай ук яңадан укыту мөмкинлеге турында сораулар биреп булачак.

Ярминкә эшсезләр өчен дә, эш урыннарын һәм юнәлешен үзгәртергә теләүчеләр өчен дә, шулай ук булачак мәктәп һәм колледж тәмамлаучылар өчен дә кызыклы булачак.

фото: редакция архивы