Лениногорскида Яшьләр көне узды (+ фотолар)

«Татнефть» җәмгыяте оештырган бу бәйрәмгә Татарстанның үзеннән генә түгел, ә Россиянең Санкт-Петербург шәһәреннән дә килгәннәр иде. 

Яшьләр көне иң элек спартакиададан башланды. Спартакиада Нефтьчеләр монументы, түбән сулык һәм М. Горький исемендәге урман паркы территориясендә һәм башка урыннарда булды. Ул Татарстанда нефть чыгаруга 80 һәм Тимәш (Ромашкино) территориясендә нефть табуга 75 ел тулу уңаеннан оештырылды. 

Күп кенә катнашучылар һәм кунаклар балалары белән килгәннәр. Алар өчен дә төрле кызыклы һәм мавыктыргыч уеннар оештырылды. 

Шуннан соң, бәйрәм Үзәк мәйданда дәвам итте. Татарстан һәм Россиянең танылган башкаручылары «Оммаж», «JAMBERRY» төркемнәре һәм «Звонкий» белән Мари Краймбрери чыгыш ясады.

Бәйрәм зур салют белән тәмамланды.

Фото: Айсылу Габбасова һәм Ләйсән Мансурова