Лениногорскиның «Айсылу» балалар театры Әлмәттә «Әбиләрдә кунакта» спектаклен күрсәтте

Бу хакта балалар театры җитәкчесе Зөмәрә Шәрәпова хәбәр итә.

"Спектакль балалар, әти- әниләр, укытучылар өчен бик тәрбияви. Рус телендә генә сөйләшеп йөргән балалар авылга кайткач татар телендә сөйләшергә өйрәнеп киләләр. Көн кадагына туры килгән спектакльне мәртәбәле жюри: Кәрим Тинчурин исемендәге театр актерлары, Әлмәт драма театры артистлары, Мәгариф һәм фән министрлыгы вәкилләре бәяләде.

Безне бик ошаттылар. Рольләрне гимназия укучылары Әминә һәм Эмилия Исламовалар, Аяз Хөсәенов, Азамат Вагизов, укытучылары Фәридә Зөфәр кызы һәм Зөмәрә Шәрәпова уйнады".

Зөмәрә Шәрәпова фотолары