Мөкадисә әби 95 яшен билгеләп үтте

Билалова Мөкадисә Галиулла кызы Иске Шөгер авылында туып үскән.
Балачагы авырлыкта үтә, өстәвенә 8 яшьтә әнисез кала. Әтисе Бөек Ватан сугышына китә.
Мөкадисә әби 12 яшеннән эшкә колхозга керә.
Аннары үсә төшкәч, 18 яшендә траншеяларда эретеп ябыштыручы булып эшли.
1954 елда кияүгә чыга. Дүрт бала үстерә.
Эштән куркып тормый, Шөгер посёлогында кирпеч заводында эшли.
1982 елда шәһәргә күчеп килә һәм ул чактагы радиоприбор заводына урнаша.
Пенсиягә чыкканчы, 1990 елга кадәр  шунда көч куя. 
Мөкадисә Галиулла кызы юбилеен балалары, 5 оныгы, 6 оныкчыгы янында каршы алды.
Аны гомер бәйрәме белән шәһәр башлыгы урынбасары Галия Урманова котлады, сәламәтлек теләде.