Пенсиягә иртәрәк чыгу өчен ничә ел стаж кирәк булуы турында Лениногорск Социаль фонды аңлата

Татарстан халкы пенсиягә билгеләнгән яшьтән  2 елга иртәрәк чыга ала, әгәр дә эш стажы зур булса. Хатын-кызлар өчен минималь стаж 37 ел, ирләр өчен  42 ел тәшкил итә.

Бу хакта Социаль фондның Лениногорск Клиентлар хезмәте хәбәр итә.

Исәп-хисапка эш бирүче тарафыннан  иминият кертемнәре түләгән чорлар гына кертелә.  Шуны белү мөһим: бала карау, эшсезлек буенча пособие алу вакыты һәм башка шундый ук чорлар бу стажга керми.

Армиядә чакырылыш буенча хезмәт итү календарь буенча исәпләнә, ә махсус хәрби операциядә катнашу  икеләтә күләмдә булачак.