Район башлыгы Рәгать Хөсәенов хөрмәтле хатын-кызларны 8 март белән котлый

Чын күңелдән сезне яз бәйрәме – Халыкара хатын-кызлар көне белән котлыйм.

Бу язгы бәйрәм җылылык, шатлык, елмаю һәм эчкерсез хисләр белән тулы. Бу көнне без матурлыгыгызга, зирәклегегезгә һәм сабырлыгыгызга хөрмәт күрсәтәбез.

Сез  үз эшегезне һәм йорт мәшәкатьләрен оста итеп берләштерәсез, шул ук вакытта сөйкемле булып кала аласыз. Бу язгы бәйрәм хатын-кызга мәхәббәт, матурлык һәм ана булу өчен аеруча рәхмәт белән тулы.

Туган телебезгә, мәдәниятебезгә һәм гореф-гадәтләребезгә мәхәббәт тәрбияләүче әниләргә, күп балалар тәрбияләүче әниләргә – үзләрен шундый игелекле эшкә багышлаган һәркемгә рәхмәтлебез.

Безнең өлкән буын хатын-кызларына – сугыш ветераннарына һәм балаларына, тыл хезмәтчәннәренә, шулай ук бүгенге көндә махсус хәрби операция барышында Россияне яклаучы солдат һәм офицерларның әниләренә, хатыннарына хөрмәт һәм рәхмәт белдерәбез.

Ныклы сәламәтлек, ак бәхетләр, ярату-мәхәббәт һәм иминлек телим.  Игелекле гамәлләрегез бары тик соклану хисләре генә уята. Шатлыкта-муллыкта яшәргә язсын!

Рәгать Хөсәенов, Лениногорск районы башлыгы, шәһәр мэры