Татарстанда 2023 елның 9 аенда илкүләм проектларны гамәлгә ашыруга нәтиҗә ясалды

ТР Икътисад министрлыгы илкүләм проектлар кысаларында башкарылган эшләр белән таныштырды. 2023 елда Татарстан 13 илкүләм проектның 50 төбәк проектын тормышка ашыруда катнаша.

14 иҗтимагый киңлек төзекләндерелде (Казанда һәм Аксубай, Актаныш, Әгерҗе, Әлки, Әлмәт, Баулы, Кайбыч, Лениногорск, Мөслим, Сарман, Чирмешән, Югары Ослан, Яшел Үзән районнарында).

«Имин сыйфатлы юллар» илкүләм проекты нигезендә 131 юл хуҗалыгы объектына капиталь ремонт ясалды, ә 56 объектта эшләрне ел азагына төгәлләргә планлаштырыла.

«Экология» илкүләм проекты ярдәмендә Мамадыш районының Кама урман хуҗалыгы авылында Бөрсет елгасы үзәнен чистарту эшләре төгәлләнә.

Россиядә илкүләм проектлар РФ Президенты Владимир Путин инициативасы һәм йөкләмәсе буенча гамәлгә ашырыла.

"Т.И."