Түбән Чыршылы авылы мәктәбендә герой-шагыйрь М.Җәлилгә багышланган әдәби кичә үтте

Түбән ЧЫршылы мәктәбендә Муса Җәлилгә багышланган әдәби - музыкаль чара узганы турында мәктәп сайты хәбәр итә.

«Чара дәүләтебез гимннары белән башланып китте. Мәктәпнең укучылар хоры "Салют сиңа, Муса Җәлил" җырын башкарды.

9 сыйныфлар шагыйрьнең тормыш юлы, иҗатына басым ясаса, калган сыйныф укучылары шигырьләрен сәхнәләштерде.

3-4 сыйныф укучылары "Кызыл ромашка" шигыренә күренеш күрсәтте.

5-6 сыйныфлар "Балыкчылар" шигыренә тукталды һәм бик оста уйнады.

8-9 сыйныфлар "Бакчачы" шигырен үз иткән. Муса Җәлилнең балаларга атап язылган шигырьләре бик күп. Башлангыч сыйныф укучылары "Күрсәт әле" дигән уенлы җырны түгәрәктә уйнап күрсәттеләр. Шулай ук татар халкының "Түп- түбәтәй" уены да күмәк төстә башкарылды. Кичә азагында Җәлил һәм аның көрәштәшләре истәлегенә бер минутлык тынлык игълан ителде», – дип хәбәр итәләр мәктәптән.

фотолар: мәктәптән.