Түбән Чыршылы мәктәбе укучылары «Солдатка хат» акциясенә кушылды
Түбән Чыршылы мәктәбе укучылары хәзерге вакытта хәрби бурычларын үтәүче авылдаш егетләргә хат яздылар, дип хәбәр итә мәктәп сайты.
"Солдат абыйларына башлангыч сыйныф укучылары рәсемнәр ясады, урта сыйныфлар котлау открыткалары, сәлам хатлары яздылар. 23 февраль-Ватанны саклаучылар көне уңаеннан, котлап язган хатларда матур теләкләр, алар белән горурлану, исән-сау туган якларына, гаиләләренә кайтсыннар, дигән изге сүзләр бар иде", - дип язалар мәктәптән.
Хатлар Түбән Чыршылы почта бүлекчәсенә кертеп тапшырылган. Хәзер инде укучылар солдатлардан җавап хатларын көтәләр.
Барлык солдат гаиләләренә чын күңелдән рәхмәт һәм күңелле очрашулар насыйп булуын тели Түбән Чыршылы мәктәбе
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев