КӨЛКЕХАНӘ
Төшкә керсә иде
Берәүнең җәмәгате фани дөньяны калдырып, бакыйлыкка күчә. Бердәнбер көнне моның янына дуслары кайгысын уртаклашырга килә. Сорыйлар: "Җәмәгатең төшеңә керәме соң?"- дип. Бу уфтанып сөйләп китә. - Төшемә дә керми шул. Керсә, хет бер туйганчы күреп, күңелем булганчы орышып калыр идем,- ди, башын аска иеп. Кушаматы "маймуч" Күрше авылдан берәүләр туганнарын...
Берәүнең җәмәгате фани дөньяны калдырып, бакыйлыкка күчә.
Бердәнбер көнне моның янына дуслары кайгысын уртаклашырга килә. Сорыйлар: "Җәмәгатең төшеңә керәме соң?"- дип.
Бу уфтанып сөйләп китә.
- Төшемә дә керми шул. Керсә, хет бер туйганчы күреп, күңелем булганчы орышып калыр идем,- ди, башын аска иеп.
Кушаматы "маймуч"
Күрше авылдан берәүләр туганнарын кунакка чакыралар. Туганы балыкчы була, күчтәнәчкә зур-зур балыклар алып килә. Күрше-күләнне дә ашка дәшәләр. Балык кыздыралар, ул һәркемнең яраткан ризыгы бит. Бер күршесе мактый-мактый балык ашый башлый. "Бигрәк тәмле балык, бер кылчыгы да юк",- дип куя. Кунакның күңеле була.
- Агай-эне, бу бит маймуч түгел, эре балык,- ди.
Тегесе ашавыннан туктап, як-ягына карап куя. Янәшәсендәгеләр дә, серле итеп, бер-берсенә карап куялар. Балыкчыны мактаган күршенең кушаматы "маймуч" булган икән.
Мондый "икенче исем"нәрне авылларда халык арасында еш ишетергә туры килә.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев