Кирлегәчтән Әлфия Галимова: чит якларда йөрүче солдатларга өй җылысы белән бүлешәбез

"Кирлегәч авылы халкы, мәдәният йортына җыелып, хәрби операция зонасында - сугыш кырындагы хәрбиләргә, солдатларга күчтәнәчләр әзерлиләр.

Беркем дә битараф түгел. Мәдәният йорты хезмәткәрләре:Тәлгать Шиһапов  белән Гөлфия, Минзилә Вәлирахманова гуманитар ярдәм китергән һәр кешегә ачык йөз күрсәтеп, алып килгән әйберләрне тәртипкә салып торалар.

Ә носки-оекбаш бәйләргә килгән кешеләрне җепләр белән тәэмин итеп торалар. Тамчыдан күл җыела. Бердәмлектә көч - бу мәкальләр бүгенге көндә шулай бергәләшеп, гуманитар ярдәм әзерләүчеләргә бик туры килә!".

Әлфия апа шигырь дә язып куйган:

Чит җирләрдә йөргән балаларга
Өй җылысы белән бүлешеп,
Гуманитар ярдәм әзерлибез
Авыл халкы белән килешеп...

Чын күңелдән Раббымнан сорыйбыз
Кайтсын инде илгә тынычлык!!!
Чит җирләрдә йөргән балаларны
Сагындык бит инде...сагындык...